Riide, kolmanda oktoobri hummoku nõstõti Mikitämäel üles Seto Kuningriigi lipp. Hummoku ütsä aigu alanu’ Savioro vabaala kokkosaamisõl ol kats tähendüst. Kõõpäält ol tegemist seto kultuurinädälä käümä tõmbamisõga’ ni töösöst hõigati vällä 2026.aastaka Seto Kuningriigi toimumisõ kotus – Mikitämäe küla. Suur setodõ üleilma kokkokorjuminõ – XXXIII Seto Kuningriik tulõ sis Poloda nulga küläh Miktamäel 1.augustil 2026.
Päävä alostusõst tõi sjoo aastaga kuningriigi pääkõrraldaja Kala Ingrit kuningriigi lipu ni and tuu üle Mikitämäe külävanõmbalõ Kasõ Piretile. Kuuh leelokooriga Helmine tõmmati vardahe seto lipp ni kuulutõti timahavanõ seto nätäl avatust.
Ülembsootska Vabarna Jalmar arvas, õt Mikitämäel tulõ illos kuningriigipäiv ja õt alanu’ seto nädäläl tulõ julgõhõ seto rõivit kanda’: “Kuningriigi viisa’ omma’ jo Piletikeskusõh saadaval ni minge lunastagõ uma kuningriiki pääs, ka nuu’ kiä’ tulõva’ seto rõivih Kuningriiki võisi’ hindele 0 euro pileti “osta’” sis tiid Kuningriigi kõrraldaja pallo sõira kiitä’ ni saa ilosa Kuningriigi kõrraldada. Sjoo tähtsä uudisõ mann soovi kõigilõ tämbä ka hüvvä seto kultuuri nädälit ja kantkõ’ sjoo nätäl rohkõmp seto rõivit, õt sjoo nädäli sisu paistusi kavvõmbahe!” Seto Kuningriigi viisa saat soetada https://sviby.com/et/e/hmd9wp
Uma hüä’ soovi Kuningriigilõ ni seto nädäläle anni viil vallavanõmb Kudre Raul, volikogu esimiis Sarja Urmas ni Mikitämäe külävanõmb Kasõ Piret.
Hüvvä ni ilosat seto kultuuri nädälit!
Sjoo päävä pilte saat kaia’: https://photos.app.goo.gl/d8q88XeJFfdfvq1E8